Eskolako arte klaseak nora eramaten gaitu?

Benetan baliagarriak al dira eskolan jasotzen ditugun plastika, eskulanak… edo dena delako klaseak?. Nik BAI erraldoi bat botako nuke erantzulez. Haur Hezkuntzako lehen momentutik hasten gara arteak ematen digun sormena garatzen, eta honek, noski, eremu askotan laguntzen gaitu…

 Pasaden ostiralean, Arte irakasgaiko aurkezpen bat egin nuen… eta norbait galdetu zidan: zure ustez, ikastola urteko plastika klaseak, zure garapenean lagundu al dute?. Pentsakor geratu nintzen, baina azkenean erantzuna etorri zitzaidan. Ikastolan izandako irakaslea ez genuen aditua, ez, baina, bere eskuetan zegoen edozer egiten zuen plastika klase hura aurrera eramateko.

 Denetarik lantzen genuen… zuzendutako lanak eta zuzendu gabekoak, libreak… baina, ez gaitezen astean zehar landuko ditugun gaietara joan. Arte eta sormena beste adibide baten ondoan jarriko dugu… demagun hitz pare hauek gure hankak direla… bai, jaiotzetik ditugu, baina hauek landuz joan behar gara, aurrerago ibili, korrika egin edota saltoka egiteko. Badaude ere, gogor garatzen dituztenak, korrikalari profesional edota mendizale bihurtuz… ba horrelakoa da sormena… eta noski, eskolan ematen diren ekintza guzti hauek, entrenamendu bihurtzen dira…

 Beraz, nora eramaten gaituen esatea zaila da… azken batean, arteak dakarren sormen horrek edozein eremutan laguntzen gaitu. Margolariari, bere eskuak lantzen lagundu zion, eta irakasleari, bere klaseak emateko irudimentsu aritzen lagundu zion… beraz, norabide zehatzik?, ez… emaitzak ordea?... onak esango nuke.

Musika…7 nota… do, re, mi, fa, sol, la eta si… hau da burura datorkigun lehenengo gauza musikari buruz hitz egiten dugunean… baina… musika, matematika edo fisika erakusteko erabiliko bagenu? Zorotzat hartuko zenukete irakasle hura? Berezitzat? Edo… innobazioaren aldekoa?. Ikus dezagun…

             

Pitagoras izan zen musika eta matematikak lotu zituen lehenengoa, eta musikan, zenbakiek zuten garrantzia azpimarratu zuena. Baina, ezertan sartu baino lehen, koka gaitezen: Matematika hitza bera, Mathema hitz grekotik dator, eta hau, ezagutza esan nahi du. Garai hartan beraz, ezagutza sortzen zuten 4 esparru bereizi zituzten, eta haien artean laugarrena, musika bera izan zen.


Horrela izanda, zergatik ez dugu ba matematika musikan oinarrituko, edota musika, matematikak erakusteko tresna bezala erabili?

Simetriaren gaia ulertzeko adibidez, musikak izugarri lagunduko liguke.

Hauekin batera, zenbakien balioa ere azaltzeko erabili daiteke, azken batean, beltz bat  eta kortsea baten arteko diferentzia zertan datza? Bata, bestearen erdia izango litzatekela… beraz, beti erabiltzen ditugun pastelak alde batera utzita, musika izango genuke honetan ere lagun.


Leibniz-en esanetan musika “aritmetika ariketa inkontziente bat da”… eta kontzientea ala ez, ikusi al izan dugu, nola honen bidez ere, lehen hezkuntzan landu beharreko konpetentzia matematikoak bere lekua izango duen…

Eskolan aspertzen zinen?